Lé Jèrriais est la vielle langue d’Jèrri. Ch’est ieune des langues d’oïl, auve lé Nouormand, l’Dgèrnésiais, l’Picard, l’Gallo et l’Ouallon, tchi veinnent du Latîn – tout coumme lé Français, l’Italien, lé Portûndgais, lé Catalan et d’aut’s langues.
Ch’est-i’ pustôt eune langue pâlée?
J’avons eune longue tradition littéthaithe en Jèrriais d’pis la fîn du dgiêx-huitième siècl’ye – sustout des poésies et d’s histouaithes. Mais nou considéthe qué Wace ’tait l’fondateu et l’înspithâtion d’la littéthatuthe dé Jèrri, et qu’au dgiêx-neuvième siècl’ye l’s auteurs d’s Îles d’la Manche înspithîtent la r’naîssance littéthaithe en Nouormandie continentale.
Wijs.